İsrailin Baş naziri Benyamin Netanyahu bəyan edib ki, ölkədə növbədənkənar parlament seçkiləri keçirilməlidir. Növbədənkənar parlament seçkilərinin 2013-cü ilin yanvar və yaxud fevral aylarında keçiriləcəyi gözlənilir ("Reuters").
Netanyahunun sözlərinə görə, növbədənkənar parlament seçkiləri tez keçirilməlidir, çünki koalisiya hökuməti milli büdcə haqqında qəti qərara gələ bilmir.
Parlament seçkiləri əslində 2013-cü ilin ortalarında keçirilməli idi. Bu ilin may ayında İsrailin Baş naziri bəyan etdi ki, ölkədə siyasi sistemi daha da möhkəmləndirmək üçün növbədənkənar parlament seçkiləri keçirilməlidir. Lakin o vaxt parlament buraxılmadı. Buna görə də Netanyahunun partiyası müxalifət partiyası ilə milli birlik hökuməti yaratmaq barədə razılığa gəldi.

Qəzənfər QASIMOV, "Xalq qəzeti"