Azərbaycan Respublikası Mədəniyyət və Turizm Nazirliyinin təşkilatçılığı ilə bu yaxınlarda Macarıstanın aparıcı turizm şirkətləri, agentlikləri və kütləvi informasiya vasitələrinin nümayəndələrindən ibarət 15 nəfərlik qrupun ölkəmizə infoturu təşkil olunmuş. 
Qrupun tərkibində "Quaestor", "Cartour", "İbusz", "Neckermann", "Tensi", "Napi gazdasag", "GoUtazas Magazine", "Vista" turizm şirkətlərinin, "Türk Hava Yolları" şirkətinin və "Nepszabadsag", "RTL Klub", "Turizmus Trend Magazin", "İnfo Radio", "1000 Ut" kütləvi informasiya vasitələrinin nümayəndələri təmsil olunmuşlar.
Səfər çərçivəsində qonaqlar Quba rayonunda keçirilən "Alma" festivalında iştirak etmiş və Xınalıq kəndinə səfər etmişlər.
Həmçinin infotur zamanı xarici şirkətlərin nümayəndələri ilə Azərbaycanın daxili turizmin inkişafı ilə məşğul olan turizm şirkətlərinin əməkdaşları arasında qarşılıqlı turist mübadiləsinə dair danışıqlar aparılmışdır.

M.MÜKƏRRƏMOĞLU, "Xalq qəzeti"