Azərbaycan Respublikası Konstitusiya Məhkəməsi Palatasının növbəti iclasları keçirilmişdir.
Konstitusiya Məhkəməsinin mətbuat xidmətindən bildirmişlər ki, Azərbaycan Respublikası Konstitusiyasının 130-cu maddəsinin VII hissəsinə və "Konstitusiya Məhkəməsi haqqında" Qanunun 32.1-ci maddəsinə əsasən Azərbaycan Respublikası Cinayət Məcəlləsinin 448.5-ci maddəsinin Azərbaycan Respublikası Konstitusiyasına uyğunluğunun yoxlanılması barədə Azərbaycan Respublikası İnsan Hüquqları üzrə Müvəkkilinin (Ombusmanın) sorğusuna baxaraq onun icraata qəbul edilməsi haqqında qərardad çıxarmışdır.
Digər iclasda isə, Azərbaycan Respublikası Konstitusiyasının 130-cu maddəsinin V hissəsinə və "Konstitusiya Məhkəməsi haqqında" Qanunun 7.1-ci maddəsinə əsasən Arifə Nadir qızı Əliyevanın şikayətinə baxılaraq onun icraata qəbul edilməsi haqqında qərardad çıxarılmışdır.
Sorğuya və şikayətə mahiyyəti üzrə, tərəflərin iştirakı ilə Konstitusiya Məhkəməsi Plenumunun noyabrın 13-nə və 2-nə təyin olunmuş iclaslarında baxılacaqdır.

AzərTAc