İslam İnkişaf Bankınn İslam maliyyəçiliyinə dair 5-ci Qlobal Forumunun iştirakçıları arasında Azərbaycana ilk dəfə gələnlər daha çoxdur. Onlardan biri də Kamerunun "BETA Consult" şirkətinin direktoru Fransis Happidir.
F.Happi demişdir ki, bu, mənim Azərbaycana ilk səfərimdir. Bizdə elə düşünürlər ki, Azərbaycan iqtisadi cəhətdən geri qalmış bir ölkədır. Lakin gördüklərim və öyrəndiklərim məni heyrətə gətirib: ölkəniz çox inkişaf edib, həmvətənlərinizdə böyük ruh yüksəkliyi vardır. İslam İnkişaf Bankı İslam ölkələrində, o cümlədən Kamerunda, Azərbaycanda müxtəlif iqtisadi layihələri maliyyələşdirir. Mən bankın Məşvərətçilər Federasiyasının üzvüyəm. Forum mənə müxtəlif biznes dairələri ilə təmasda olmağa imkan verir. Ümumiyyətlə, Bakı forumu burada təmsil olunan ölkələrə bankın imkanlarından yararlanmaq üçün şərait yaradır.
AzərTAc{nl}