Oktyabrın 2-də Azərbaycan Respublikası Tarif (qiymət) Şurasının növbəti iclası keçirilmişdir. 
Şuranın Katibliyindən bildirmişlər ki, iclasda "Azərbaycan Respublikası Gömrük Məcəlləsinin təsdiq edilməsi haqqında" Azərbaycan Respublikası Qanununun tətbiqi barədə" Azərbaycan Respublikası Prezidentinin 2011-ci il 15 sentyabr tarixli Fərmanına əsasən Azərbaycan Respublikası Nazirlər Kabinetinin 2012-ci il 5 sentyabr tarixli Qərarı ilə "Gömrük nəzarəti və rəsmiləşdirilməsi ilə əlaqədar olaraq bəyannaməçinin, mallar barəsində səlahiyyəti olan şəxslərin və ya onların nümayəndələrinin təşəbbüsü ilə malların gömrük ekspertizasının aparılması üçün alınan gömrük yığımlarının miqdarı"nın təsdiq edildiyi nəzərə alınaraq, Tarif (qiymət) Şurasının "Dövlət Gömrük Komitəsinin Mərkəzi Laboratoriyası tərəfindən göstərilən pullu xidmətlərin tariflərinin tənzimlənməsi barədə" 2007-ci il 25 dekabr tarixli Qərarına yenidən baxılmış və Şuranın qərarı qüvvədən düşmüş hesab olunmuşdur.
Qərar 2012-ci il oktyabrın 5-dən qüvvəyə minəcəkdir.

AzərTAc