Belə bir mötəbər tədbirin ikinci dəfə Bakıda keçirilməsi Azərbaycanın humanitar sahədə əlaqələrinin daha da genişlənməsinə və inkişaf etməsinə öz töhfəsini verəcəkdir.
Bu sözləri İkinci Bakı Beynəlxalq Humanitar Forumunda iştirak etmək üçün Azərbaycanda səfərdə olan Fransanın Aerokosmik Laboratoriyasının mütəxəssisi Tasdduq Xan demişdir.
Belə tədbirlərin bu gün çox vacib olduğunu diqqətə çatdıran T.Xan Bakı Forumunun insanın inkişafının humanitar aspektlərinin, multikulturizmin və sivilizasiyalar arasında qarşılıqlı münasibətlərin müzakirə edilməsi üçün gözəl platformaya çevrildiyini demişdir.
Sonda Bakının sürətlə inkişaf edən şəhər olduğunu vurğulayan fransalı qonaq demişdir: "Bakıda yeni binalar inşa edilir, şəhər abadlaşır, cəmiyyət dinamik və olduqca səmərəli inkişaf edir".