Bakının möhtəşəm arxitekturası məni valeh etdi. Şəhərinizdəki müasir və qədim tikililər Bakının ümumi görünüşünə qeyri-adi gözəllik verir.
Bu sözləri Bakı Beynəlxalq Humanitar Forumunda iştirak etmək üçün ölkəmizdə səfərdə olan ABŞ-ın Ohayo ştatındakı Klivlend Klinik Hospitalının həkimi xanım Cill Muşkat demişdir.
Xalqımızın qonaqpərvərliyini xüsusi vurğulayan Cill Muşkat Bakı sakinlərinin mehriban və gülərüz olduqlarını qeyd etmişdir. Azərbaycana gəlməmişdən əvvəl respublikamız haqqında kifayət qədər məlumatının olduğunu deyən amerikalı həkim ölkəmizi ziyarət etməkdən məmnunluğunu vurğulamışdır.
Bakı Beynəlxalq Humanitar Forumu haqqında da düşüncələrini bölüşən C.Muşkat bildirmişdir ki, bu tədbirə hazırlıq çox yüksək səviyyədə aparılıb. Müxtəlif ölkələrdən olan mütəxəssislərin fikirlərini bölüşdüyü belə mötəbər beynəlxalq forumların keçirilməsi təcrübə qazanmaq baxımından çox əhəmiyyətlidir.