Almaniyanın Bonn şəhərinin polisi milli partiya olan Pro NRW-nin keçirdiyi aksiyada İslam əleyhinə olan karikaturaları nümayiş etdirməyi qadağan edib. Bundan əlavə, şəhərin hakimiyyət nümayəndələri Pro NRW-yə kral Fəth adına İslam Akademiyasının qarşısında aksiya keçirməyə icazə verməyib.
"Ekspress" qəzetinin yazdığına görə, Bonn polisi Pro NRW-nin aksiya keçirməsinə qadağa qoya bilməyib. Belə ki, hüquqi cəhətdən buna əsas tapılmayıb. Bonnun hüquq-mühafizə orqanları belə hesab edirlər ki, onlar anti-alman aksiyalarından ehtiyat edirlər. Əgər müsəlman ölkələri belə aksiyaları keçirsələr, onda bu, Almaniya üçün çox pis nəticə verə bilər. Bonn radiosunun verdiyi məlumata görə, Pro NRW-nin aksiyasında mindən çox polis ictimai asayişi və təhlükəsizliyi qoruyacaq.
Pro NRW-nin aksiyasında 100 nəfərin iştirak edəcəyi gözlənilir. Onlar müsəlman ölkələrində "Müsəlmanların məsumluğu" filminə görə, qərb dövlətlərinin diplomatik nümayəndəliklərinə hücuma cavab olaraq "Azad söz uğrunda İslam ekstremizminə qarşı" şüarla aksiya keçirəcəklər.

Qəzənfər QASIMOV, "Xalq qəzeti"