Oktyabrın 1-dən 7-nə qədər Rusiyanın Anapa şəhərində boks üzrə məktəblilərin Avropa birinciliyi keçiriləcək. Yarışlara 13-14 yaşlılardan ibarət yığma komandamız əməkdar məşqçi, beynəlxalq dərəcəli hakim Niftalı Quliyevin rəhbərliyi altında yollanacaq. Qitə birinciliyində yeniyetmə boksçularımız 14 çəki dərəcəsində mübarizə aparacaqlar. 
Komandanı yarışlara əməkdar məşqçi Rasim Məmmədov hazırlayıb. Qeyd edək ki, ötən il aktivində iki qızıl medal olan yeniyetmələrdən ibarət boks yığmamız analoji yarışda ümumkomanda hesabında üçüncü yeri tutmuşdu.