İstedadını sına - Dövlət Bayrağı Gününə həsr olunan rəsm müsabiqəsi
Azərbaycan Respublikası Nazirlər Kabineti yanında Dövlət Bayrağı Meydanı Kompleksi İdarəsi, Azərbaycan Respublikası Təhsil Nazirliyi və Azərbaycan Respublikası Gənclər və İdman Nazirliyi ilə birgə ölkə ərazisində yerləşən ümumtəhsil məktəblərinin V-XI sinif şagirdləri arasında "Bayrağımız qürur mənbəyimizdir" adlı rəsm müsabiqəsi keçirir.
Müsabiqə iştirakçıları Dövlət Bayrağı Gününə həsr olunmuş, istənilən üsulla çəkilmiş, A2-A3 formatlı, rəngli rəsm işlərini, şəxsiyyəti təsdiq edən sənəd və müəllifin doğum haqqında şəhadətnaməsinin surətini 2012-ci il oktyabr ayının 20-dək Bakı şəhəri, Q. Abbasov küçəsi 10 nömrəli ünvana təqdim etməldilməlidir (əlaqə telefonları): (mob) 050 329-00-26, (tel) 012 491-37-32.
Təşkilat komitəsi tərəfindən 12 ən yaxşı iş seçilərək mükafatlandırılacaq. Təqdim edilmiş işlər geri qaytarılmır və onlara dair bütün müəlliflik hüquqları Azərbaycan Respublikası Nazirlər Kabineti yanında Dövlət Bayrağı Meydanı Kompleksi İdarəsinə məxsusdur.

"Xalq qəzeti"