Rusiyanın Azərbaycandakı səfirliyi Moskva metropolitenində partlayışlar nəticəsində çoxsaylı insan tələfatı ilə bağlı bu ölkənin Bakıdakı diplomatik nümayəndəliyinə daxil olan başsağlığı məktublarına görə minnətdarlıq etmişdir.
Diplomatik nümayəndəliyin açıqlamasında deyilir: "Rusiyanın Azərbaycandakı səfirliyi Milli Məclisin deputatlarına, hökumət və beynəlxalq təşkilatların nümayəndələrinə, siyasi partiyaların, ictimai, elm və gənclər birliklərinin, təhsil müəssisələrinin, Rusiyanın diaspor qurumlarının rəhbərlərinə, Azərbaycanın ayrı-ayrı vətəndaşlarına martın 29-da Moskva metropolitenində baş vermiş qanlı terror aktı ilə bağlı Rusiya xalqına verdikləri dəstəyə görə səmimi minnətdarlığını bildirir".
AzərTAc