Sentyabrın 28-də Azərbaycan Dillər Universitetinin İnformasiya-Resurs Kompleksinin Amerika Mərkəzində ABŞ-ın ölkəmizdəki səfiri Riçard Morninqstar və xanımı Feyt Morninqstar "Amerikanı tanıyaq" adlı həftəlik mühazirələr silsiləsinin builki açılışını etmişlər.
AzərTAc xəbər verir ki, mərasimdə Xaçmazdakı və Salyandakı Amerika mərkəzlərindən tədbiri onlayn rejimdə izləyən 60 tələbə də daxil olmaqla 150-dən artıq gənc iştirak etmişdir.
Azərbaycandakı Amerika mərkəzləri haqqında fikirlərini bölüşən R.Morninqstar qeyd etmişdir ki, bu tədris ocaqları azərbaycanlı gənclərə ABŞ mədəniyyətini öyrənmək, ingilis dili biliklərini artırmaq və Birləşmiş Ştatlarda təhsil almaq imkanları yaradır.
Sonda səfir və xanımı Amerika mədəniyyətinə və ABŞ-Azərbaycan münasibətlərinə dair ictimaiyyəti maraqlandıran sualları cavablandırmışlar.