Azərbaycan Avropaya sürətlə inteqrasiya edən ölkədir. AzərTAc xəbər verir ki, bu sözləri sentyabrın 27-də Bakıda keçirilən "Körpülərin salınması" adlı beynəlxalq konfransda Avropa Komissiyasının keçmiş prezidenti, Lüksemburqun keçmiş dövlət naziri və Robert Şuman Fondunun keçmiş sədri Santer Jaques söyləmişdir.
"Azərbaycan Avropa İttifaqı üçün vacib strateji tərəfdaş olduğunu artıq sübut etmişdir", - deyən Avropa Komissiyasının keçmiş prezidenti bildirmişdir ki, Azərbaycanda vətəndaş cəmiyyətinin, demokratiyanın inkişafı və tolerantlıq ənənələri xüsusi qeyd olunmalıdır. Hesab edirəm ki, biz Azərbaycana layiq olduğu qiyməti verməliyik və bu ölkəyə bütün lazımi dəstəyi göstərməliyik.