Fəaliyyəti qanunla dayandırılmış Azərbaycan Beynəlxalq Universitetinin keçmiş rektoru Elşad Abdullayev tərəfindən Milli Məclisin deputatı Gülər Əhmədova ilə bağlı kütləvi informasiya vasitələrində yayılmış video görüntülərdə əks olunan məlumatların araşdırılması üçün baş prokuror Bakı Şəhər Prokurorluğuna göstəriş vermişdir.
Baş Prokurorluğun mətbuat xidmətinin rəhbəri Eldar Sultanov AzərTAc-a bildirmişdir ki, müvafiq ekspertizalar keçirildikdən və digər zəruri prosessual araşdırmalar aparıldıqdan sonra Cinayət-Prosessual Məcəllənin 207-ci maddəsinin tələblərinə uyğun qərar qəbul ediləcəkdir.
Faktla bağlı ictimaiyyətə əlavə məlumat veriləcəkdir.