AzərTAc xəbər verir ki, bu sözləri Türkiyənin Xəzər Strateji İnstitutunun nümayəndəsi, "Türkiyə" qəzetinin müxbiri Metiner Sezer sentyabrın 24-də Fəxri Xiyabanda xalqımızın ümummilli lideri Heydər Əliyevin məzarını ziyarət edərkən jurnalistlərə müsahibəsində bildirmişdir. 
Azərbaycanın dinamik inkişafının paytaxtın hər yerində müşahidə olunduğunu qeyd edən M.Sezer geniş vüsət alan tikinti işlərinin, müxtəlif sahələrə investisiyaların qoyulmasını iqtisadi dirçəlişin təntənəsi kimi yüksək qiymətləndirmiş və Azərbaycanın sivil dünyaya sürətlə inteqrasiya etdiyini vurğulamışdır.