Yeni Azərbaycan Partiyasının (YAP) sədr müavini - icra katibi, Milli Məclisin deputatı Əli Əhmədov partiyanın mərkəzi qərargahında Koreya Resrublikasının Azərbaycandakı yeni fövqəladə və səlahiyyətli səfiri Ço Şu ilə görüşmüşdür.
AzərTAc xəbər verir ki, görüşdə Azərbaycan ilə Koreya Respublikası arasında iqtisadi və siyasi əlaqələrin mövcud durumu və inkişaf perspektivləri barəsində söhbət aparılmış, tərəflər hər iki ölkənin qarşılıqlı əlaqələrdən fayda gördüyünü qeyd etmişlər.
Yeni səfir görüşdə qeyd etmişdir ki, iki ölkə arasındakı mövcud münasibətləri daha da inkişaf etdirmək və qarşılıqlı əməkdaşlığı intensivləşdirmək üçün əlindən gələni əsirgəməyəcəkdir.
Daha sonra tərəflər qarşılıqlı maraq doğuran digər məsələlər haqqında fikir mübadiləsi aparmışlar.
Görüşdə YAP-ın İcra katibinin müavini, Milli Məclisin deputatı Mübariz Qurbanlı iştirak etmişdir.