Bakıda keçirilən "Neft, qaz və media" mövzusunda Beynəlxalq konfransın xarici ölkələrdən olan iştirakçıları sentyabrın 19-da Dənizkənarı Milli Parkda Neftçilər Günü peşə bayramı münasibətilə təşkil olunmuş sərgiyə baxmışlar.
AzərTAc xəbər verir ki, qonaqlara Azərbaycan Respublikası Dövlət Neft Şirkətinin Xəzər Dəniz Neft Donanmasının gəmiləri, neftçıxarma və neftayırma sənayelərinin müxtəlif mürəkkəb qurğuları barədə ətraflı məlumat verilmişdir.
Bakı-Tbilisi-Ceyhan neft, Bakı-Tbilisi-Ərzurum qaz kəmərləri, Prezident İlham Əliyevin neft-qaz sənayesinə aid müxtəlif zavodların açılışlarında iştirakını əks etdirən sənədli kadrlar, stendlər və fotoşəkillər qonaqların diqqətini cəlb etmişdir.