BMT-nin Suriya üzrə xüsusi komissiyası ölkədə həm hökumət qüvvələrinin, həm də silahlı müxalif qrupların hərbi cinayətlər törətdiyini açıqlamışdır.
APA -nın "Reuters"ə istinadən verdiyi məlumata görə, komissiyanın sədri, braziliyalı Paolo Pineyro Suriyada kobud insan haqları pozuntularının sayının və intensivliyinin artdığını bildirmişdir. O, BMT Təhlükəsizlik Şurasını cinayətlərin araşdırılmasını Beynəlxalq Cinayət Məhkəməsinə həvalə etməyə çağırmışdır.
Komissiyanın hərbi cinayətlər törətməkdə şübhəli bildiyi suriyalıların növbəti siyahısını hazırladığı da bildirilir.