Dialoq və Əməkdaşlıq Uğrunda İslam Konfransı Gənclər Forumu (İKGF) bu yaxınlarda ABŞ-da Məhəmməd peyğəmbər haqqında çəkilmiş, müsəlmanların dini hisslərinə və qüruruna toxunan filmin yayımlanmasına qarşı bəyanatla çıxış etmişdir. 
Bəyanatda deyilir ki, dini nifrət zəminində çəkilmiş bu film anti-islamçı qüvvələrin İslamı təhqir etməyə yönəlmiş növbəti fitnəkarlığıdır. İslam Əməkdaşlıq Təşkilatı ölkələrində fəaliyyət göstərən gənclər təşkilatlarını özündə birləşdirən İKGF dünya müsəlmanlarını bu tipli təxribatlara uymamağa və başqa din nümayəndələrinə qarşı tolerant münasibət göstərməyə çağırır. Təşkilat, həmçinin bu filmin çəkilməsini, yayımlanmasını qəti surətdə pisləyir və onun yaradıcılarının qanunla məsuliyyətə cəlb olunmasının zəruriliyini qeyd edir.
İKGF, eyni zamanda ABŞ-ın Liviyadakı səfiri və üç amerikalı diplomatın qətlindən təəssüfləndiyini bildirir.

AzərTAc