Misirin sabiq baş naziri Əhməd Nazif 3 il müddətinə azadlıqdan məhrumetmə cəzasına məhkum olunub. Qərarı Qahirə Cinayət Məhkəməsi çıxarıb. Məhkəmə keçmiş baş naziri həmçinin 1,5 milyon ABŞ dolları məbləğində cərimələyib.
2011-ci ildə sabiq hökumət başçısı 1 il şərti cəza almışdı. Sonradan o, korrupsiyada, rüşvətxorluqda və vəzifə səlahiyyətlərini aşmaqda da təqsirli bilinib.
"Media forum" saytı xəbər verir ki, dövlət ittihamçısı 2004-2011-ci illərdə hökumətə başçılıq etmiş Əhməd Nazifin 10,5 milyon dollar vəsaiti mənimsədiyini bəyan edib.
Əhməd Nazif 2011-ci ildə prezident Hüsnü Mübarək devriləndən sonra, həmin ilin aprelində həbs edilib.