Görüşə bu ilin sentyabr ayının 4-də Tailandın Pattaya şəhərində 50 kiloqram çəki dərəcəsində dünya çempionu olmuş 1994- cü il təvəllüdlü Bazarov Murad Həmzət oğlu və 2011- 2012-ci tədris ilində Balakən Rayon Humanitar və Texniki təmayüllü Liseyi Qızıl medalla bitirmiş Sarayev Qalib Yaşar oğlu və Mamedova Həlimə Mehdihacı qızı dəvət olunmuşdur.
Görüşdə Balakən Rayon İcra Hakimiyyətinin başçısı İslam Rzayev və Milli Məclisin üzvü Rəbiyyət Aslanova iştirak etmişlər. Tədbirdə rayon gənclərinin təhsildə və idmanda qazandığı uğurlar barədə söz açılmışdır.
Murad Bazarova əldə etdiyi qələbəyə görə televizor hədiyyə olunmuşdur. Liseyin məzunları Sarayev Qalib Yaşar oğlu yüksək - 667 bal toplayaraq Qafqaz Universitetinin "Kompyuter mühəndisliyi" ixtisasına, Mamedova Həlimə Mehdihacı qızı isə 558 bal toplayaraq Azərbaycan Turizm İnstitutunun "Menecment" fakültəsinə qəbul olunmuşlar. Onların hər biri bu qələbə münasibəti ilə kompyuterlə (Noutbukla) mükafatlandırılmışlar.

İ.MUSAOĞLU, "Xalq qəzeti"nin bölgə müxbiri