"2012-ci il Azərbaycanın gənclər paytaxtı" elan edilmiş Gəncə şəhərində Gənclər və İdman Nazirliyinin, Azərbaycan Respublikası Gənclər Fondunun, Gəncə Şəhər İcra Hakimiyyətinin, "Gənclərin Dostluq Şəbəkəsi" və "İrəli" ictimai birliklərinin birgə təşkilatçılığı ilə keçirilən Azərbaycan Respublikasının I liderlik forumunun ikinci iş günü bir sıra məsələlərin müzakirəsi ilə yadda qalmışdır.
İştirakçılar "Ermənistan-Azərbaycan, Dağlıq Qarabağ münaqişəsi: hazırkı vəziyyət", "Gənclər siyasəti, siyasətçi gənclər və ya gənclər siyasətdə", "Gənc liderlər və həyat prioritetləri" mövzuları ətrafında keçirilən müzakirələrdə fəallıq göstərmişlər.
Maraqlı diskussiya şəraitində keçən forumun ikinci günündə iştirakçıları maraqlandıran məsələlərə aydınlıq gətirilmişdir.

AzərTAc