Azərbaycan Respublikasının Prezidenti yanında Strateji Araşdırmalar Mərkəzində "Türkiyə-Azərbaycan münasibətlərində medianın rolu" mövzusunda "dəyirmi masa" keçirilmişdir.
Tədbirdə SAM-ın dəvəti ilə Azərbaycanda səfərdə olan Türkiyənin "Hürriyyət Daily News" qəzetinin baş redaktoru Devid Din Cadson və Türkiyə Beynəlxalq Strateji Araşdırmalar Mərkəzinin (USAD) rəhbəri Cəlal Cem Oğuz məruzə etmişlər.
Devid Din Cadson Azərbaycan və Türkiyə mediasının iki ölkənin siyasətinə təsiri haqqında danışmışdır.
Azərbaycan və Türkiyə media təmsilçilərinin qatıldığı tədbirdə ölkələrimizin mətbuatında hər iki dövlətin siyasətinin düzgün işıqlandırılması, bu istiqamətdə mövcud problemlər və onların həlli yolları, iki ölkənin media təmsilçiləri arasında əməkdaşlıq məsələləri müzakirə olunmuşdur.
AzərTAc