Sentyabrın 2-də Türkiyənin cənub-şərqindəki Şırnak vilayətinin Beytüşşebap qəsəbəsindəki hərbi hissəyə hücum edərək 10 əsgəri öldürən PKK terrorçularına qarşı aparılan əməliyyat davam edir. 
APA-nın "Sabah" qəzetinə istinadən verdiyi məlumata görə, Kato dağında aparılan əməliyyat zamanı 30 nəfərlik terrorçu qrupun bir mağarada gizləndiyi müəyyənləşib. Mağaraya hərbi təyyarə və hərbi helikopterlər vasitisilə zərbələr endirilib. Mağaradakı 30 terrorçunun hamısı öldürülüb. Xatırladaq ki, Beytüşşebapda baş verən döyüşdə də 20 terrorçu məhv edilmişdi. Beləliklə, hərbi hissəyə hücum edən terrorçulardan 50-si zərərsizləşdirilib. Əməliyyat davam edir.