BMT tərəfindən məcburi köçkünlərin hüquqlarını qorumaq məqsədi ilə yeni konvensiya qəbul edilməli, qaçqınlarla bağlı konvensiya yenilənməlidir.
Bunu jurnalistlərə Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov demişdir.
Onun sözlərinə görə, BMT-nin qaçqınların statusu haqqında qəbul etdiyi konvensiya var, lakin bu konvensiya bugünkü qaçqınların problemlərinin həllinə cavab vermir. Həmin sənədin 60 faizi dəyişdirilməlidir. Məcburi köçkünlərə gəldikdə isə, beynəlxalq aləmdə onların hüquqlarını tənzimləyəcək hüquqi baza yoxdur, halbuki dünyada 43 milyon yurdsuz-yuvasızın 27 milyonu məcburi köçkündür.
AzərTAc