Müdafiə Nazirliyinin mətbuat xidmətindən AzərTAc-a bildirmişlər ki, cəbhə xəttində vəziyyət gərgin olaraq qalır.
Atəşkəs rejiminin pozulması faktı sentyabrın 6-da gecə Ermənistanın Berd rayonunun ərazisindəki adsız yüksəkliklərdə, Azərbaycan Respublikasının Ağdam rayonunun işğal olunmuş Mərzili, Cəvahirli, Şıxlar, Goranboy rayonunun Tapqaraqoyunlu, Füzuli rayonunun Horadiz kəndləri yaxınlığında və Xocavənd, Goranboy, Füzuli rayonlarının ərazisindəki adsız yüksəkliklərdə yerləşən mövqelərdə qeydə alınmışdır.
Düşmən cavab atəşi ilə susdurulmuşdur.