İranda həbs olunmuş gənc azərbaycanlı şairlərin azadlığa buraxılması Azərbaycan Prezidentinin ölkənin vətəndaşlarına göstərdiyi diqqətin təzahürüdür. Bu, eyni zamanda, ədalətin bərpası deməkdir.
Bu sözləri sentyabrın 5-də Xarici İşlər Nazirliyinin (XİN) mətbuat xidmətinin rəhbəri Elman Abdullayev İranda həbs edilmiş şairlər Fərid Hüseynin və Şəhriyar Hacızadənin azad olunmasına münasibət bildirərkən demişdir.
Xarici siyasət idarəsinin rəsmisi vurğulamışdır ki, azərbaycanlı şairlərin azadlığa buraxılmasında dövlətin rəsmi mövqeyi ilə yanaşı, ictimaiyyət, o cümlədən kütləvi informasiya vasitələri arasındakı həmrəylik də mühüm rol oynamışdır. Hazırda şairlərin Vətənə qayıtması üçün sənədlər hazırlanır.

AzərTAc