Sentyabr 4-də Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) icraçı direktoru Vüqar Səfərli Şimali Kiprin Azərbaycan nümayəndəliyinin yeni rəhbəri Sadettin Topukçu ilə görüşmüşdür. 
KİVDF-dən AzərTAc-a bildirmişlər ki, görüşdə Şimali Kiprin Azərbaycan nümayəndəliyinin əvvəlki rəhbəri Zəki Qazioğlu da iştirak etmişdir.
V.Səfərli Azərbaycan ilə Şimali Kipr arasında medianın rolundan danışmış, bu sahədə əməkdaşlığın genişləndirilməsinin vacibliyini vurğulamışdır.
Sadettin Topukçu KİVDF-nin türkdilli ölkələrin media qurumları arasında əməkdaşlığın genişləndirilməsi istiqamətindəki gördüyü işləri yüksək dəyərləndirmişdir.