Macarıstandan Bakıya gətirilən və ölkə prezidentinin əfv sərəncamı ilə azad olunan Azərbaycan Ordusunun zabiti Ramil Səfərovun həbsdə olduğu müddətdə yığılıb qalmış məvacibi ona verilib.
APA-nın xəbərinə görə, bu gün Müdafiə Nazirliyində keçirilən görüşdə 8 il yarım müddətində toplanmış maaşı zabitə təqdim edilib.
Bununla yanaşı, Müdafiə Nazirliyi tərəfindən ona üçotaqlı mənzil də verilib.
Müdafiə Nazirliyinin mətbuat xidmətindən APA-ya faktı təsdiqləyiblər.