Xəbər verdiyimiz kimi, Macarıstanın Budapeşt Paytaxt Məhkəməsinin 2006-cı il 13 aprel tarixli hökmü ilə ömürlük azadlıqdan məhrum etmə cəzasına məhkum edilmiş Azərbaycan Ordusunun zabiti Ramil Səfərov avqustun 31-də Bakıya gətirilərək Prezident İlham Əliyevin Sərəncamı ilə əfv olunmuşdur.
Gənclər üçün Təhsil Mərkəzindən bildirmişlər ki, R.Səfərova dövlətimizin başçısı tərəfindən göstərilən bu diqqət gənclər tərəfindən də yüksək qiymətləndirilir.
Bu münasibətlə Azərbaycan Respublikasının Prezidenti İlham Əliyevə ünvanlanan təşəkkür məktubunda Ali Baş Komandana dərin minnətdarlıq ifadə edən gənclər Ramil Səfərovun azadlığa buraxılmasını hər bir vətəndaşa ölkə rəhbərliyi tərəfindən göstərilən diqqət və qayğının nəticəsi kimi dəyərləndirmişlər.
Gənclər dövlətimizin başçısına hər zaman inandıqlarını və onun rəhbərliyi ilə tez bir zamanda işğal altında olan torpaqlarımızın da azad olunacağına əminliklərini bildirmişlər.

AzərTAc