Azərbaycan Silahlı Qüvvələrinin zabiti Ramil Səfərovun Azərbaycana qaytarılması və azad olunması Ermənistanda ciddi narahatlıq və narazılıqla qarşılanıb.
APA-nın "Armenia today" saytına istinadən verdiyi məlumata görə, sentyabrın 1-də saat 12.00-da Ermənistan Xarici İşlər Nazirliyinin binası qarşısında etiraz aksiyası keçiriləcək. Aksiyadan sonra Macarıstan konsulluğunun binasına doğru yürüş olacaq. "Ayazn" ittifaqı tərəfindən təşkil olunacaq aksiyada R. Səfərovun buraxılmasına etiraz bildiriləcək. İttifaq hesab edir ki, R. Səfərovun Azərbaycana qaytarılmasında Ermənistan rəhbərliyi günahkardır, çünki onlar illər boyu bu məsələyə lazımi diqqət göstərməyiblər.