Avqustun 25-də Naxçıvan Muxtar Respublikası Ali Məclisinin sədri Vasif Talıbov Şahbuz rayonunun Ağbulaq kəndində aparılan kompleks quruculuq-abadlıq işlərinin gedişi ilə tanış olmuşdur. 
Məlumat verilmişdir ki, hazırda kənddə 216 şagird yerlik müasir məktəb binası tikilir. Üçmərtəbəli məktəb binasında əsas tikinti işləri başa çatdırılmışdır. Hazırda binanın ətrafında dəmir-beton istinad divarının tikintisi aparılır, daxildə suvaq işləri görülür.
Bildirilmişdir ki, yeni dərs ilində istifadəyə veriləcək məktəb binasında yüksək tədris şəraiti yaradılacaq, təhsil ocağı lazımi elektron avadanlıqla təmin ediləcəkdir.
Sonra Ali Məclisin sədri Ağbulaq kəndində kənd və xidmət mərkəzlərinin tikintisinin gedişi ilə tanış olmuş, binaların layihəsinə baxmışdır.

AzərTAc