Azərbaycanın Təbrizdəki baş konsulluğunun əməkdaşları İranda həbsdə saxlanılan azərbaycanlı şairlər - Fərid Hüseyn və Şəhriyar Hacızadənin işinə baxan hakimlə görüşmüşlər. Hakimin sözlərinə görə, şairlərlə bağlı məhkəmə qərarı yaxın 15-20 gün ərzində çıxarılacaqdır.
AzərTAc xəbər verir ki, bu sözləri Xarici İşlər Nazirliyinin mətbuat xidmətinin rəhbəri Elman Abdullayev avqustun 23-də jurnalistlərə açıqlamasında demişdir.
E.Abdullayev bildirmişdir ki, şairlərin hansı cinayətləri törətməkdə ittiham olunduqları barədə hələ də heç bir rəsmi məlumat verilməmişdir. XİN-in sözçüsü baş konsulluq tərəfindən İranda saxlanılan Azərbaycan vətəndaşlarına lazımi hüquqi yardımın göstərildiyini də diqqətə çatdırmışdır.