Xaricdə təhsil alan azərbaycanlı tələbələr Vətənimizi layiqincə təmsil edirlər.
Bu sözləri Xaricdə Təhsil Alan və Məzun olan Azərbaycanlı Tələbələrin Beynəlxalq Forumunun (ASAİF) X Beynəlxalq Yay Forumunda iştirak edən Türkiyənin Ege Universiteti iqtisadiyyat fakültəsinin məzunu Elvin Məmmədov AzərTAc-a müsahibəsində demişdir. E.Məmmədov bildirmişdir ki, ASAİF azərbaycanlı tələbələrin bir-biriləri ilə əlaqə saxlaması və təhsil aldıqları ölkələrdə fəaliyyətlərini daha da artırmaları üçün çox faydalıdır. Azərbaycanlı tələbələrlə birgə İzmirdə Azərbaycanın həm milli bayramları ilə bağlı tədbirlər, həm də anma mərasimləri təşkil olunmuşdur.