Mexiko şəhərinin Tarixi Mərkəz rayonu ərazisində Xocalı soyqırımına həsr edilmiş abidənin qoyulacağı "Tlakskoake-Xocalı" Meydanında aparılan təmir-bərpa işləri ilə əlaqədar Meksikanın Baş Arxiyepiskopu Kardinal Rivera Karrera tərəfindən Azərbaycan tərəfinə təşəkkür məktubu ünvanlanıb. 
Bu barədə APA-ya Xarici İşlər Nazirliyinin mətbuat xidmətindən bildirilib. Məlumata görə, məktubda, Azərbaycan Respublikası və Federal Bölgə Hökuməti arasında həyata keçirilən əməkdaşlığı böyük məmnuniyyətlə alqışladığını bildirən Meksika katolik kilsəsinin Baş Arxiyepiskopu, hal-hazırda Azərbaycan Respublikası ilə Mexiko şəhər rəhbərliyinin birgə fəaliyyəti nəticəsində bu ərazilərdə yenidən təmir-bərpa və abadlıq işlərinin aparılması, habelə "Tlakskoake-Xocalı" Meydanında yerləşən katolik məbədə Kilsə Zənglərinin hədiyyə edilməsinə görə Azərbaycan tərəfinə öz təşəkkürünü bildirib.