Meksika Birləşmiş Ştatlarının paytaxtı Mexikoda salınmış Azərbaycan-Meksika Dostluq Parkının, xalqımızın ümummilli lideri Heydər Əliyevin həmin parkda ucaldılmış abidəsinin və Tarixi Mərkəz adlandırılan ərazidə Xocalı soyqırımına həsr olunmuş abidənin açılışı ilə bağlı avqustun 23-də tədbirlər keçiriləcəkdir.
Nazirlər Kabinetinin mətbuat xidmətindən AzərTAc-a bildirmişlər ki, tədbirlərdə Azərbaycan Respublikası Baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun rəhbərlik etdiyi nümayəndə heyəti iştirak edəcəkdir.