Fövqəladə hallar naziri Kəmaləddin Heydərov ölkəmizdə səfərdə olan NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Robert Simmons ilə görüşmüşdür.
Fövqəladə Hallar Nazirliyindən bildirmişlər ki, görüşdə nazirlik ilə alyans arasında əməkdaşlığın vəziyyəti, birgə təlimlərin keçirilməsi və qarşılıqlı maraq doğuran digər məsələlər müzakirə olunmuşdur.
Alyans və onun qurumları ilə mülki fövqəladə planlaşdırma sahəsində nazirlik arasında əməkdaşlığın mövcud səviyyəsindən məmnunluğunu bildirən K.Heydərov bu əməkdaşlığın bundan sonra da davamlı olaraq inkişaf etdiriləcəyinə əminliyini diqqətə çatdırmışdır. Nazir bu istiqamətdə NATO-nun Təbii Fəlakətlərə Cavabvermənin Əlaqələndirilməsi üzrə Avratlantik Mərkəzi ilə əməkdaşlığın daha da genişləndirilməsinin məqsədəuyğun olduğunu qeyd etmişdir.{nl}

AzərTAc