Heydər Əliyev Fondunun təşkilatçılığı ilə keçirilən Qəbələ IV Beynəlxalq Musiqi Festivalı çərçivəsində avqustun 3-də London Royal Filarmonik Orkestrinin növbəti konserti olmuşdur.
AzərTAc xəbər verir ki, iki dəfə "Qremmi" və 40-dan çox beynəlxalq mükafatın sahibi olan isveçrəli dirijor Şarl Dütuanın rəhbərlik etdiyi orkestr tamaşaçılara maraqlı konsert proqramı təqdim etmişdir.
Konsertdə macar bəstəkarı Zoltan Kodayın "Qalanta rəqsləri", fransız bəstəkarı Moris Ravelin piano və orkestr üçün konserti, rus bəstəkarı Pyotr Çaykovskinin simfoniyası təqdim olunmuşdur.
Dünyanın ən məşhur orkestrlərindən biri olan London Royal Filarmonik Orkestri bu dəfə də gözəl çıxışı ilə dinləyicilərin qəlbinə yol tapdı.