Tacikistan hökuməti Əfqanıstan ilə sərhəd əraziləri bağlayıb.
Tacikistanın Sərhəd xidmətinin məsul işçisi Huşnud Rəhmətullanın verdiyi açıqlamaya görə, sərhəd keçid məntəqələrinin bağlanması qonşu ölkədə qanunsuz qruplaşmalara qarşı həyata keçirilən xüsusi əməliyyatlarla bağlıdır. Belə ki, Əfqanıstanda mövcud olan bir sıra terror qruplaşmaları ilə mübarizəni gücləndirən NATO sülhməramlıları son günlər sözügedən ölkənin Tacikistanla sərhəd ərazilərində xüsusi əməliyyatlara başlayıblar.
Qeyd edək ki, hazırda sadəcə NATO-ya aid hərbi yüklərin daşınması üçün Tacikistan sərhədindən istifadə olunur.