Dövlət Sərhəd Xidməti (DSX) Sahil Mühafizəsinin sərhəd gözətçi gəmisinin əməkdaşları Xəzər dənizinin Azərbaycan Respublikasına mənsub bölməsinin mərkəzi istiqamətində, "Kəpəz" neft yatağının cənub-qərbində üzmə rejiminə nəzarət zamanı Türkmənistana məxsus "Günxan" balıqçı gəmisinə baxış keçirmişlər. 
DSX-nin mətbuat mərkəzindən AzərTAc-a bildirmişlər ki, müvafiq registr sənədləri təqdim edilmədiyinə görə gəmi saxlanılmış və müvafiq tədbir görülməsi üçün Türkmənistan Respublikasının Sərhəd Xidmətinin sərhəd gözətçi gəmisinə rəsmi qaydada təhvil verilmişdir.