İyulun 24-də Mətbuat Şurasının (MŞ) sədri Əflatun Amaşov Şimali Kiprin Azərbaycan nümayəndəliyinin rəhbəri Zəki Qazioğlu ilə görüşmüşdür. 
MŞ-dan AzərTAc-a bildirmişlər ki, görüşdə Şimali Kipr mediası ilə Azərbaycanın kütləvi informasiya vasitələri arasında əlaqələrin hazırkı vəziyyətinə dair müzakirələr aparılmışdır.
Ə.Amaşov Şimali Kipr Azərbaycan nümayəndəliyinin rəhbərinin ölkəmizdə fəaliyyəti dövründə KİV-lərin daim diqqətində olan şəxsə çevrildiyini vurğulamışdır.
Ölkəmizdəki diplomatik missiyası başa çatan Z.Qazioğlu Azərbaycan mediası ilə əlaqələrindən danışmış, KİV-lərin Şimali Kipr həqiqətlərinin çatdırılmasında fəal mövqe nümayiş etdirdiyini bildirmişdir.

AzərTAc