Macarıstan Avropa Şurasının xarici işlər və təhlükəsizlik siyasəti üzrə ali nümayəndəsi Ketrin Eştonun iyulun 19-da Dağlıq Qarabağda keçirilmiş üzdəniraq "prezident seçkilərinin" tanınmaması haqqında bəyanatına qoşulur. 
AzərTAc Macarıstan XİN-in bəyanatına istinadla xəbər verir ki, rəsmi Budapeşt tərəfləri münaqişənin status-kvo çərçivəsindən çıxmağa imkan verə biləcək Madrid prinsipləri əsasında danışıqlar yolu ilə həllinin axtarılmasına dair səyləri fəallaşdırmağa çalışmışdır.
Rəsmi Budapeşt Avropa Şurasının münaqişənin dinc vasitələrlə danışıqlar yolu ilə dövlətlərin suverenliyi, ərazi bütövlüyü və sərhədlərinin toxunulmazlığı, habelə milli azlıqların hüquqlarına hörmət əsasında həllinə nail olunması barədə Aİ-nin ümumi mövqeyi ilə razıdır.