Bakı-Tbilisi-Qars (BTQ) dəmir yolu xətti layihəsi ilə bağlı Azərbaycan, Türkiyə və Gürcüstanın nazirləri hər iki aydan bir görüş keçirəcəklər.
Bu sözləri Türkiyə Respublikasının nəqliyyat, dənizçilik və kommunikasiya naziri Bineli Yıldırım jurnalistlərə müsahibəsində demişdir.
Türkiyəli nazir vurğulamışdır ki, bu ilin sonuna yaxın layihənin digər ölkələrdə də tanıdılması məqsədilə beynəlxalq konfrans keçiriləcəkdir. Bundan əlavə, texniki ekspertlər hər ay görüşəcək, bu layihə ilə bağlı görülmüş işləri qiymətləndirəcəklər.
Layihənin uğurla davam etdirildiyini deyən Bineli Yıldırım bu layihənin bölgə üçün mühüm əhəmiyyət kəsb etdiyini diqqətə çatdırmışdır.