APA-nın Təhsil Nazirliyinin saytına istinadən verdiyi məlumata görə, dərs məşğələləri sentyabrın 15-də başlayıb mayın 31-də başa çatacaq. 
Dərs ili iki yarımilə bölünəcək. Birinci yarımil 15 sentyabr - 29 dekabr, ikinci yarımil isə 6 yanvar - 31 may tarixlərini əhatə edəcək. Dərs ili ərzində şagirdlər üçün payız tətili 12-17 noyabr (6 gün), qış tətili 30 dekabr - 5 yanvar (7 gün), yaz tətili 17-24 mart (8 gün) tarixlərini əhatə edəcək. I (birinci) sinif şagirdləri üçün əlavə tətil günləri 12-17 fevral (6 gün) tarixlərində olacaq.