Yeni Azərbaycan Partiyası Gənclər Birliyinin Oğuz rayonunda "Yay məktəbi"nin yeni layihəsi başlanmışdır. Layihə gənclərin asudə vaxtlarını səmərəli keçirmələrinə, bir-biri ilə təmas qurmalarına və məlumatlarını artırmağa xidmət edir. Bunun üçün intellektual və əyləncəli yarışlar, idman oyunları ilə yanaşı, müxtəlif mövzularda diskussiyalar da təşkil olunur. 
Növbəti diskussiya Prezident Administrasiyasının ictimai-siyasi məsələlər şöbəsinin müdiri Əli Həsənovun iştirakı ilə keçirilmişdir. Əli Həsənov bildirmişdir ki, görüşdə əsas mövzu "Heydər Əliyev və Azərbaycan gəncliyi" olmuşdur. Biz ümummilli liderimizin həyatından, fəaliyyətindən, onun Azərbaycan gəncliyi ilə bağlı tövsiyələrindən, gənclərimizi necə görmək istəyindən danışdıq, Azərbaycan gəncliyinin vətənpərvərliyi, dilimizi, mədəniyyətimizi, adət-ənənələrimizi bilmələri, bəşəri dəyərləri mənimsəmələri və inkişaf etdirmələri, Vətəni sevmələri, iradəli, dünyagörüşlü, xalqına layiqli övladlar kimi böyümələri ilə bağlı məsələlər ətrafında diskussiyalar apardıq.
AzərTAc