Binəqədi Rayon İcra Hakimiyyəti başçısının rayon ərazisində yerləşən "Oğuzxan" şadlıq evində rayon ağsaqqalları və ziyalılarla görüşü keçirilmişdir. 
Tədbiri giriş sözü ilə açan rayon icra hakimiyyətinin başçısı Xaləddin İsgəndərov ölkənin sosial-iqtisadi inkişafında əldə olunan uğurlardan danışaraq, son zamanlar respublikamızın sürətlə inkişaf etdiyini diqqətə çatdırmış, rayonda görülən işlərdən söz açmış və bu işlərin həyata keçirilməsində ağsaqqal, ziyalı sözünə, məsləhətinə böyük ehtiyacın duyulduğunu vurğulamışdır.
Sonra respublika Ağsaqqallar Şurasının sədri, akademik Budaq Budaqov, əməkdar elm xadimi, professor Həsən Mirzəyev, respublika Ağsaqqallar Şurasının sədr müavini, professor Əli Həsənov, rayon Veteranlar Şurasının sədri Telman Hətəmov və başqaları son vaxtlar Binəqədidə tikinti, abadlıq-quruculuq işlərinin geniş vüsət almasından, qarşıda duran problemlərin həlli yollarından danışmışlar.

Vaqif BAYRAMOV, "Xalq qəzeti"