Məhkəmə-Hüquq Şurasının (MHŞ) növbəti iclası keçirilmişdir.
MHŞ-nin məlumatında bildirilir ki, ədliyyə naziri Fikrət Məmmədovun sədrliyi ilə keçirilən iclasda səlahiyyət müddəti başa çatan yuxarı instansiya və digər məhkəmə hakimlərinin fəaliyyəti qiymətləndirilmiş, ali və apellyasiya instansiyaları məhkəmələrinin tərkibi və vakant ştatların komplektləşdirilməsi məsələlərinə baxılaraq, bu məhkəmələrə yüksək hazırlıqlı hakimlərin təyin edilməsi barədə təkliflər verilmişdir.
İclasda Prezident İlham Əliyevin rəhbərliyi ilə ədalət mühakiməsinin səmərəliliyinin artırılması üzrə islahatların ardıcıl surətdə həyata keçirildiyi qeyd olunmuş, məhkəmə sisteminin fəaliyyətinin təkmilləşdirilməsi üzrə əlavə tədbirlər müzakirə edilmişdir.
AzərTAc{nl}