"Biz NATO olaraq müharibəyə qarışmırıq. Lakin ATƏT-in Minsk Qrupunun Dağlıq Qarabağ münaqişəsinin həllində həyata keçirdiyi səyləri dəstəkləyirik. Son günlər münaqişə zonasında baş verənləri diqqətlə müşahidə edirik. Ermənistan və Azərbaycan qoşunlarının təmas xəttində vəziyyətin gərginləşməsi bizi də narahat edir".
APA-nın Gürcüstan müxbirinin məlumatına görə bunu NATO Baş katibinin Cənubi Qafqaz və Orta Asiya üzrə xüsusi nümayəndəsi Ceyms Appaturay Tbilisidə keçirdiyi mətbuat konfransında son günlər Ermənistan və Azərbaycan qoşunlarının təmas xəttində vəziyyətin gərginləşməsinə münasibət bildirərkən deyib.
C. Appaturay bildirib ki, NATO problemin sülh yolu ilə həllinin tərəfdarıdır: "Ümid edirik ki, gərginlik səngiyəcək".