Artıq 2013-cü ildən Azərbaycanda ünvanların internet vasitəsilə alınması mümkün olacaq. Bu barədə Əmlak Məsələləri Dövlət Komitəsinin sədri Kərəm Həsənov bildirib. 
Onun sözlərinə görə, dövlət komitəsi beynəlxalq standartlara uyğun ünvan reyestrinin yaradılmasına başlayıb. Bu məqsədlə Koreya şirkəti ilə əməkdaşlıq qurulub. K.Həsənov qeyd edib ki, bu ilin sonunadək ünvan reyestrinin informasiya bazasının qurulması işi başa çatdırılacaq: "Biz bu işi Bakı şəhərində başlamışıq və artıq 8 rayon üzrə işlər yekunlaşıb. İlin sonunadək Bakının digər rayonlarında da işlər yekunlaşacaq". 2013-cü ildən vətəndaşlar yeni ünvanvermə qaydalarına uyğun olaraq elektron şəkildə özlərinə lazım olan ünvanları ala biləcəklər".
Komitə sədri onu da qeyd edib ki, Azərbaycanda ünvan reyestri MDB məkanında indiyədək rast gəlinməyən bir hadisədir.

M.MÜKƏRRƏMOĞLU, "Xalq qəzeti"