Ötən il oktyabrın 25-də təməli Azərbaycan Prezidenti İlham Əliyev və Türkiyənin Baş naziri Rəcəb Tayyib Ərdoğan tərəfindən qoyulmuş STAR neft emalı zavodunun ərazisində sahənin tikinti üçün hazırlanması işləri sürətlə davam edir.
ARDNŞ-in mətbuat xidmətindən bildirmişlər ki, "Petkim" Əliağa kompleksi ərazisindən 10 milyon 500 min kubmetr torpaq daşınacaqdır.
"SOCAR Türkiyə - Energy" şirkətinin rəhbəri, "Petkim" neft-kimya holdinqinin idarə heyətinin üzvü Kənan Yavuzun sözlərinə görə, STAR neft emalı zavodunun istifadəyə vaxtında verilməsi üçün sahətəmizləmə işləri fasiləsiz olaraq hər gün 24 saat ərzində davam edir. Zavod istismara buraxıldıqdan sonra Türkiyənin neft-kimya sektorunun xammaldan asılılığı minimuma enəcəkdir. Egey bölgəsinin iqtisadiyyatına böyük töhfə verəcək müəssisə Əliağa qəsəbəsini Türkiyənin önəmli sənaye mərkəzinə çevirəcəkdir.